ATƏT-in Minsk qrupunda Fransa əvəzlənə bilər

Avropa Parlamentinin Xarici Əlaqələr Komissiyası bununla bağlı sənəd qəbul edib

Avropa Parlamentinin Xarici Əlaqələr Komissiyasında Avropa Birliyinin (AB) ATƏT-in Minsk qrupunda Fransanı əvəz etməsini nəzərdə tutan sənəd qəbul olunub. 

APA-nın məlumatına görə, sənəddə AB-nin Dağlıq Qarabağ münaqişəsinin həlli üzrə ATƏT-in Minsk qrupunda Fransanın mandatını əvəz etməsi təklif olunur. Ermənistanla bağlı digər məsələlərin də yer aldığı sənəd Avroparlamentin plenar iclasında səsverməyə çıxarılmalıdır.
Sənədin Avroparlamentin müzakirəsinə bir ay sonra çıxarılacağı gözlənilir.